Jondoni Joaneko Herriko bestak ekainaren 22tik 26ra iraganen dira. Oinezkotzea, segurtasuna, garraioak… Bestetan parte hartzeko informazio baliagarriak aurki itzazu hemen.
Hiri barnearen oinezkotzea
2023an, hiri barnearen oinezkotze dispositiboa berriz bideratua izanen da oinezkoen eta autoen arteko edozein talka arrisku saihesteko. 2 eremu desberdinekin indartua da eta ekainaren 23tik, ostiral arratsaldez, mailaz-maila aplikatuko da, ekainaren 26ra, astelehen goiza arte.
Eremu berdean, ibilgailu bakar bat ere ez da sartzen edo ateratzen ahalko, ekainaren 23tik 25era, 06:00etatik 10:00etaraino. Tarte horretan, Jauregiberri karrikatik sartzen ahalko da.
Eremu laranjan, ibilgailu bakar bat ere ez da sartzen ahalko, ekainaren 23tik 25era 06:00etatik 10:00etaraino. Hala ere, tarte horretako sarbideak Barjonnet (sigi-saga) eta Gambetta karrikei mugatuak egonen dira. Ateratzen ahalko da baina gomendatua izan gabe.
Eremu horretan beraz, 06:00etatik 10 :00etara bitartean baizik ez da ibiltzen ahalko, larunbatean eta igandean.
Segurtasuna eta sorospenak
Sorospen-dispositiboa bestatik ahal bezain hurbil antolatua da, sokorri-gunearen eta eragile guzien koordinazioaren artean.
Sokorri-gunea Herriko Etxearen gibelean kokatua izanen da, portuaren eskualdean, karpa baten azpian.
Sokorri-eragile guziak: segurtasun indarrak, suhiltzaileak, hirizaintza, polizia nazionala, poliklinikako larrialdi zerbitzua.
Larrialdi zerbitzuen zenbakiak oroitarazten dizkiegu jendeei, arazo bat gerta balitz: 17 (segurtasuna) eta 15 (osasuna).
Garraioak
Bestendako, TXIK TXAK zure xerka eta zure gibelera eramatera etorriko da. Karia horretara, usaiako autobus-lineez gain, bestatik itzultzeko autobusak antolatuak izanen dira, 1,20€ko prezioan (bidaiari bakoitz) autobus geltokitik abiatuz:
- Donibane-Lohizune, Ziburu, Urruña eta Hendaiara buruz: 22:00, 23:00, 00:00, 01:00, 02:00 eta 03:00etan,
- Azkainera buruz: 23:00, 00:00, 01:00, 02:00 eta 03:00etan,
- Senperera buruz: 23:00, 01:00 eta 03:00etan,
Argibide gehiago: www.txiktxak.fr
