Informazio baliagarriak

Donibaneko bestetan parte hartzeko informazio baliagarriak aurki itzazu hemen.

Zirkulazioa eta segurtasuna

Segurtasun eta salbamendu zerbitzuekin loturan (hirizaintza, suhiltzaileak…), bestak segurtamenean ezartzeko plano bat egina izan da. Plano horri esker, hirigune historikoaren zati handi bat oinezkoentzat bihurtuko da.

Dispositibo hori, 2022ko ekainaren 24ko ostiral arratsaldetik (blokeak pixkanaka ezarriz 18:00etan hetsia izateko) ekainaren 27ra, astelehena, 06:00ak arte indarrean izanen da. Zirkulazioa onartua izanen da ekainaren 25ean eta 26an, larunbata eta igandea, 06:00ak eta 10:00ak artean: perimetrora sartzea ahalezkoa izanen da Jaureguiberri, Gambetta eta Harispe karriketatik.

Besta-asteburu horretan, autoaren erabilpena baitezpada murriztua izanen da jende guziaren segurtasuna bermatzeko.

Bestetara joatea autobusez

Bestazaleei aholkatzen diegu hiribarnera joatea oinez edo usaiako autobus-lineen bidez (ordainduz).

Gibelera etortzeko, Hegobusek bestazaleak berriz eramanen ditu dohainik, Donibane Lohizune, Ziburu, Urruña, Hendaia, Azkaine eta Senpere herrietara.  Bidaiak 23:00etatik goizeko 03:00etara. Bakarrik, ekainaren 24an ostirala eta 25ean larunbata.